Dočekali smo opet karnevalske dane
Noge mi drciju u ulicu kod nane
Frite mirišiju od svakog barkuna
Maškare se vadiju od starog ormaruna

Nana brzo išće lancun, šugamane
A za mog kumpanja kotulu, fuštane
Sestri će lipo dat i košuju belu
Ali će joj odma reć “Tornaj mi je celu”

REF.
U ulicu moju malu
Svi se veseliju karnevalu
Svi susedi, ded i nana
Ulica je pošempjana (x2)

Pita je tetu Fumicu novi šjalet
Da bude ženska prava, ne gre bez kalcet
Teta Mare našla je i bele mundande
A facol je zibrala stara teta Mande

Nana me je tako lipo parićala
I u svaku ruku fritu mi kuštala
Bušno san je brzo jer kumpanj me tira
Cuješ na pijacu, prvo kolo svira

REF.
U ulicu moju malu
Svi se veseliju karnevalu
Svi susedi, ded i nana
Ulica je pošempjana (x3)

Svi susedi, ded i nana
Ulica je pošempjana
Ulica je pošempjana