Koktelsi – Čekaj

Tekst pesme

Život počne s plačun i vavek s plačun fini
Neki uživaju momenat neki pune takujini
čovek se muči va živote da trag kakov pusti
Dokle sili dokle skrbi život va hip mu proleti

Ako partimo po rede si smo bili male bebe ke se bude plaču kakaju smeju
Prvi koraki besedi rastu zubi nos nan cedi
Dok se igramo nonići nas čuvaju

Onda škola prva slova, učit jezik to se mora
Da va staroste se nemoraš potit
Skupit ocjene za prosjek pa va srednju drugi odsjek
Ko ne skupiš bodi morat ćeš platit

Čekaj počini neće pobeć
Čekaj zaš moraš stalno za nečeren teć
Preša, vrah zel i prešu sada
Život je lepši kad se kalma
Ki gre pomalo duže dura

Kad diploma tij vruke opet si na početke
Kemu kucat kega delo sad pitat
Se zapišeš na biro da uleti delo ko
I po burze jako oglasi iskat
Prva plaća i kredit ako misliš ča storit
Zidat kuću novi auto kupit
Mladost ludost i monade ženske stare ženske mlade
Vreme hodi kad se misliš oženit

Čekaj počini neće pobeć
Čekaj zaš moraš stalno za nečeren teć
Preša, vrah zel i prešu sada
Život je lepši kad se kalma
Ki gre pomalo duže dura

Onda ljubav rože fiori, pokle lete pomidori
Kade si dosad čaj danaska za obed
Dojdu deca kamo sreće kad je brže prišlo treće
Pa na zimu homo nekamo na sneh
Maturalne i diplomi ki put pir se tu zalomi
Prve sede mladi nonić si postal
Se te kosti već bole penzija je na stole
A još more tega nisi arival