Koktelsi – Duet z Duleton

Tekst pesme

Teško j’ danas neč šegavo napisat
ča sad judi pali, to sad trebe znat
Se riječi sliče, a melodije pogotovo
Jena kitica, solo, refren- i gotovo

Već ideji nima niki za zmislet hit
A bez tega nema šanse na estradu se probit
Ja proval san zmislet neke besedi
Za ke te malice vriskat i hvalit me susedi

Još da mi j’ melodija ka se lovi uha
Da ju moru kantat i onisti prez sluha
Proval san razne varijante i stili
ča se sad naslišaju i ča su nekad bili

Bilo je tu techna, sentiši i polki
Malo za starejeh, za mladići i divojki
Pital san kumpaniju “ši van se pjaža”
Rekli su mi “škužaj, ma boja je ova”

REF.
Pod učkun kućice bele
Miće kod suzice vele
I jena mića, uska rečica
Na koj se dečica igraju

čuli ste ča je kumpanija rekla
Da od mojeh kanconi je boja ova
Kad dule napiše to se sve slaže
Va ritme, va melodije, va tekste i solaže

A da pitaš duleta da ti pjesmu napiše
A ti se kod autor zdola potpišeš
Hm,hm, tr ni loša ideja, ki će znat
Ko teješ bit poznat, moraš bit i tat
To j’ sada va mode, danas delaju tako
Pokradi refren, a drugo ćeš lahko
A onda va sne, kot strel z vedra neba
Javi mi se gospa i govori “čuj ča ti treba”
Greh je mislet kako ćeš tuje zet
Ti moraš z duleton snimit duet
I već san bil pomislel da j’ to od sumraka zona
A na radije je jušto sopla ova kancona

REF.
Pod učkun kućice bele
Miće kod suzice vele
I jena mića, uska rečica
Na koj se dečica igraju

To j’ bila ideja, to j’ bil jackpot
Snimili smo pjesmu , i za nju još spot
Z bandon smo postali va grade glavne face
Sopli smo po pireh, va crekve i na terace
Na radije smo prvo mesto mi držali
Za nas su glasali i veli i mali
Dokle kamere snimaju i reflektori svete
Mi ovistu kantamo z duleton va duete

REF.
Pod učkun kućice bele
Miće kod suzice vele
I jena mića, uska rečica
Na koj se dečica igraju