Koktelsi – Oda battifiace

Tekst pesme

Kad san štuf već sega i niš mi ne gre
Ja stavin va radio neki stari cd
Pa mi se vrnu sliki od poznateh liki
Palili su, žarili, a po ten se ugasili

Brzo sve se menja i vreme brzo hludi
Na moment se domislin teh veseleh judi
Kad smo deca bili i na tanci hodili
Na njihe kanconi mi smo tancali i pili

Z njihovun muzikun mi smo odrasli
A danas ih se retko ki još spameti
Te kazeti i ploči imela j’ kuća svaka
Još va kamare na zide mi piše “battifiaca”

Lepo j’ bilo dok je duralo
Ne otejen pomislet daj’ se to pasalo
Ona črna on beli, ona mića on veli
Na njihi škerci si smo se smeli
Za ča su se raspali, va čen je kvaka
Neki govore da je zbog braka
Oženila se j’ vesna i decu j’ dobila
I zaradte intrigi je kanat zapustila
Za battifiacu više ni bilo nade
Pa je mario počel kantat balade
To j’ istinita priča, ni ovo šala
Pogledal san na uru, a ona je zakantala

Komać da je polne, (tebe je to komać)
A da si jako lačan i brundaš ti
Ma kad ću te navadit
Da šinjora vavek do dva leži
Komać da je polne, (tebe je to komać)
ča tako rano si me ti zbudil
ča se ne spamećuješ
Da si nekada tu dobu pil

Odlučil san nekako do njih ja prit
Da ih čujen malo i neč ih zamolit
Ako bi skupa nakon čuda let
Va našoj pjesme zakantali duet.
Prvi san mariotov broj obrnul
Ki zna kade je , već ga dosta nisan čul
Prvo j’ bil nedostupan , opet san proval
Sejno niman sreći – mobitel je dištakal

Zoven ga ja va firmu, a tamo lih zvoni
Potiho mi se javi “potle me zovi”
Kašneje mi je rekal “va gužve san bil
I ćo, škužaj ča se nisan prej javil”

Neću ti puno vremena zet
Da te pitan zajno – biš kantal duet?
čovek moj dragi, na ovisten svete
Ja jedino z vesnun kantat va duete

Legenda si mario, na to mu ja rečen
I zamen mobitel da vesnu nazoven

Zoven ja vesnu na onaj broj stari
Par puti zazvoni i mića mi se javi (halo)
Rožica povedej je ti doma mat
ši kuha al pospravja, ću je potla zvat
Ne rabi evo me, čuješ oprosti
Ovde mi je kažin, nikad se ne ženi

Na to san se nasmel i daje povedal
Proval san njoj špjegat zača san ju zval
Ona na to govori ne zameri mi ti, al’
Počela san delat, a i muž me ne pusti

Ma ni to delo, to ti j’ više hobi
Ti mesto na fitness pridi na dve probi
Kad buden kod nono vnukon povedal
Da san jedanput z battifiacun pjesmu kantal

ča još da ti poveden na samemu kraju
To mi je ko da mi porina daju
“Neka ti bude” – ona je pristala
Zajno mi je s srca vela gruda pala

Ma bit će to super, niš ne bacilaj
Samo još jedanput z gušton zakantaj
I ni nan druge leh na nogi skočit
Aš sada te opičit njihov stari hit

Tancamo, a ti mi nogi mastiš
Kad tancat si otela
Sejno zač ne paziš
Tancamo, a ja bin malo sela
E sad nećemo fermat
Kad tancat san otela
Nećemo fermat kad tancat si otela

Na kraje san ih jedva bil nagovoril
I nisan bil ni svjestan ča san to storil
Aš ovo je istina, neka saki znan
Na našen albume battifiaca kanta